ಪದಚ್ಯುತ ಪಾಕ್ ಪಿಎಂ ನವಾಜ್ ಷರೀಫ್ ರ ಬ್ಯಾಂಕ್ ಖಾತೆ, ಆಸ್ತಿ ಮುಟ್ಟುಗೋಲು

ಇಸ್ಲಾಮಾಬಾದ್, ಸೆ.23-ಭಾರೀ ಭ್ರಷ್ಟಾಚಾರ ಮತ್ತು ಕಾಳಧನ ಪರಿವರ್ತನೆ ಆರೋಪಗಳನ್ನು ಎದುರಿಸುತ್ತಿರುವ ಪಾಕಿಸ್ತಾನದ ಪದಚ್ಯುತ ಪ್ರಧಾನಮಂತ್ರಿ ನವಾಜ್ ಷರೀಫ್ ಮತ್ತು ಅವರ ಕುಟುಂಬದ ಸದಸ್ಯರ ಬ್ಯಾಂಕ್ ಖಾತೆಗಳು ಹಾಗೂ ಆಸ್ತಿಪಾಸ್ತಿಗಳನ್ನು ದೇಶದ ಅತ್ಯುನ್ನತ ಭ್ರಷ್ಟಾಚಾರ ನಿಗ್ರಹ ಸಂಸ್ಥೆ ಮುಟ್ಟುಗೋಲು ಹಾಕಿಕೊಂಡಿದೆ. ಇದರಿಂದ ಷರೀಫ್‍ಗೆ ಆರ್ಥಿಕ ಹೊಡೆತ ಬಿದ್ದಂತಾಗಿದೆ.  ರೈವಿಂಡ್‍ನಲ್ಲಿರುವ ಷರೀಫ್ ನಿವಾಸದ ಬಾಗಿಲಿಗೆ ಖಾತೆಗಳ ಸ್ತಂಭನ ಮತ್ತು ಆಸ್ತಿ-ಪಾಸ್ತಿ ಮುಟ್ಟುಗೋಲಿಗೆ ಸಂಬಂಧಪಟ್ಟ ನೋಟಿಸ್‍ಗಳನ್ನು ಅಂಟಿಸಲಾಗಿದೆ.

ಕಾಶ್ಮೀರ ಕಣಿವೆಯಲ್ಲಿ 4.5 ತೀವ್ರತೆಯ ಭೂಕಂಪ

ಶ್ರೀನಗರ, ಸೆ.23-ಕಾಶ್ಮೀರ ಕಣಿವೆಯಲ್ಲಿ ಇಂದು ಮುಂಜಾನೆ ಭೂಕಂಪ ಸಂಭವಿಸಿದೆ. ಭೂಕಂಪದ ತೀವ್ರತೆಯು ರಿಕ್ಟರ್ ಮಾಪಕದಲ್ಲಿ 4.5ರಷ್ಟು ದಾಖಲಾಗಿದೆ. ಭೂಕಂಪವು ಸಾಧಾರಣ ತೀವ್ರತೆ ಹೊಂದಿದ್ದು, ಯಾವುದೇ ಹಾನಿ ಬಗ್ಗೆ ವರದಿಯಾಗಿಲ್ಲ. ಮುಂಜಾನೆ 5.44ರಲ್ಲಿ ಸಂಭವಿಸಿದ ಭೂಕಂಪದ ಕೇಂದ್ರ ಬಿಂದು ಬಂಡಿಪೋರಾದ ಸಿಂಬಲ್ ಪ್ರದೇಶದಲ್ಲಿತ್ತು ಎಂದು ಹವಾಮಾನ ಇಲಾಖೆ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.  ಭೂಕಂಪದಿಂದ ಈ ಪ್ರದೇಶದಲ್ಲಿ ಯಾವುದೇ ಹಾನಿ ಸಂಭವಿಸಿಲ್ಲ ಎಂದು ಪೊಲೀಸರು ಹೇಳಿದ್ದಾರೆ.

ಬೇಲ್ ಮೇಲೆ ಹೊರಗಿರುವ ಬಿಎಸ್ವೈ ಭ್ರಷ್ಟಚಾರದ ವಿರುದ್ಧ ಮಾತನಾಡುತ್ತಾರೆ : ಉಗ್ರಪ್ಪ ವಾಗ್ದಾಳಿ

ಅರಸೀಕೆರೆ, ಸೆ.23- ಈ ರಾಜ್ಯಕಂಡ ಅತ್ಯಂತ ಭ್ರಷ್ಟ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಎಂದು ವಿಧಾನ ಪರಿಷತ್ ಅಧ್ಯಕ್ಷ ಉಗ್ರಪ್ಪ ಜರಿದರು. ಖಾಸಗಿ ಕಾರ್ಯಕ್ರಮದ ನಿಮಿತ್ತ ನಗರಕ್ಕೆ ಆಗಮಿಸಿದ ಉಗ್ರಪ್ಪ ಹಾಗೂ ಸಹಕಾರ ಸಚಿವ ರಮೇಶ್ ಜಾರ್ಕಿವಳಿ ಸುದ್ದಿಗಾರರೊಂದಿಗೆ ಮಾತನಾಡಿ, ಭ್ರಷ್ಟಚಾರದಲ್ಲಿ ಸಿಲುಕಿ ಜೈಲುವಾಸ ಅನುಭವಿಸಿದ್ದಲ್ಲದೇ, ಬೇಲ್ ಮೇಲೆ ಹೊರಬಂದಿರುವ ಯಡಿಯೂರಪ್ಪನವರು ಭ್ರಷ್ಟಚಾರದ ವಿರುದ್ಧ ಮಾತನಾಡುತ್ತಾರೆ ಎಂದು ಕಿಡಿಕಾರಿದರು.

ಬೈಕ್ ಸಾಹಸದಲ್ಲಿ ದಾಖಲೆ ಬರೆದ ಬಾಲಕಿ

ಮೈಸೂರು,ಸೆ.23- ದಸರಾ ಎಂದ ಕೂಡಲೇ ಹಲವಾರು ಸಾಂಸ್ಕøತಿಕ, ಮನರಂಜನಾ ಕಾರ್ಯಕ್ರಮಗಳು ಮುದ ನೀಡಿದರೆ, ಸಾಹಸ ಕಾರ್ಯಕ್ರಮಗಳು ನೋಡುಗರ ಎದೆ ಝಲ್ಲೆನಿಸುತ್ತವೆ.ಜೆಕೆ ಮೈದಾನದಲ್ಲಿ ಕೆಂಪುಧೂಳು ಎದ್ದುದನ್ನು ಕಂಡ ಪ್ರವಾಸಿಗರು ಕುತೂಹಲದಿಂದ ಅತ್ತ ಧಾವಿಸಿದಾಗ ಏಳು ವರ್ಷದ ಬಾಲೆಯೊಬ್ಬಳು ಬೈಕ್ ಸವಾರಿ ಸಾಹಸ ಮಾಡುವುದರ ಮೂಲಕ ಎಲ್ಲರನ್ನು ಅಚ್ಚರಿಗೊಳಿಸಿದಳು.  ರಿಫಾ ತಸ್ಕೀನ್ ಎಂಬ ಈ ಬಾಲೆ ಬೆಸೆಟ್ ಬೈಕ್ ಸವಾರಿ ಮಾಡುವ ಮೂಲಕ ರೋಮಾಂಚನಕಾರಿ ಪ್ರದರ್ಶನ ನೀಡಿ ಪ್ರೇಕ್ಷಕರು ಉಸಿರು ಬಿಗಿಹಿಡಿದು ನೋಡುವಂತೆ ಮಾಡಿದಳು.

ಎಚ್‍ಡಿಕೆ ಶಸ್ತ್ರಚಿಕಿತ್ಸೆ ಯಶಸ್ವಿ : ನೆಚ್ಚಿನ ನಾಯಕನ ಆರೋಗ್ಯಕ್ಕಾಗಿ ಅಭಿಮಾನಿಗಳ ಪ್ರಾರ್ಥನೆ

ಬೆಂಗಳೂರು, ಸೆ.23- ನಗರದ ಖಾಸಗಿ ಆಸ್ಪತ್ರೆಯಲ್ಲಿ ಡಾ.ಸತ್ಯಕಿ ನೇತೃತ್ವದಲ್ಲಿ ನಡೆದ ಮಾಜಿ ಮುಖ್ಯಮಂತ್ರಿ ಹಾಗೂ ಜೆಡಿಎಸ್ ರಾಜ್ಯಾಧ್ಯಕ್ಷ ಎಚ್.ಡಿ.ಕುಮಾರಸ್ವಾಮಿ ಅವರ ಟಿಶ್ಯು ವಾಲ್ವ್ ರೀಪ್ಲೇಸ್‍ಮೆಂಟ್ ಶಸ್ತ್ರ ಚಿಕಿತ್ಸೆ ಯಶಸ್ವಿಯಾಗಿದೆ. ಶಸ್ತ್ರ ಚಿಕಿತ್ಸೆಗಾಗಿ ಕುಮಾರಸ್ವಾಮಿ ಅವರು ಕಳೆದ ಶುಕ್ರವಾರ ಸಂಜೆ ಬನ್ನೇರುಘಟ್ಟ ರಸ್ತೆಯ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದು , ನಿನ್ನೆ ಚಿಕಿತ್ಸಾ ಪೂರ್ವ ಆರೋಗ್ಯ ಪರೀಕ್ಷೆ ನೆಡಸಲಾಗಿತ್ತು.  ಇಂದು ಮುಂಜಾನೆ 7.30ಕ್ಕೆ ಡಾ.ಸತ್ಯಕಿ ನೇತೃತ್ವದ ವೈದ್ಯರ ತಂಡ ಆಪರೇಷನ್ ಆರಂಭಿಸಿ 8.15ಕ್ಕೆ ಯಶಸ್ವಿಯಾಗಿ ಶಸ್ತ್ರ ಚಿಕಿತ್ಸೆ ನಡೆಸಿದರು.