ಮೊಮ್ಮಕ್ಕಳ ಸ್ಪರ್ಧೆಗೆ ಒಕ್ಕಲಿಗರ ಕೋಟೆಯಲ್ಲಿ ಭುಗಿಲೆದ್ದ ಆಕ್ರೋಶ

ಟೀ ಅಂಗಡಿಗಳಿರಲಿ, ಬಸ್ ನಿಲ್ದಾಣಗಳಿರಲಿ, ಕಾಲೇಜು ಕ್ಯಾಂಪಸ್‌ಗಳೇ ಇರಲಿ, ಅಂಗಡಿ-ಮುಂಗಟ್ಟುಗಳ ಕಚೇರಿಗಳೇ ಇರಲಿ ಎಲ್ಲೆಂದರಲ್ಲಿ ಬರೇ ಅದೊಂದೇ ಮಾತು. ರಾಜಕೀಯವನ್ನೇ ಉಸಿರಾಗಿಸಿಕೊಂಡ ರಾಜಕೀಯ ಪುಡಾರಿಗಳಿಗಿಂತಲೂ ರಾಜಕೀಯದ ಗಂಧಗಾಳಿಯೇ ಗೊತ್ತಿಲ್ಲದವರೂ ಕೂಡ ಇಂದು ಹಾದೀ-ಬೀದಿಯಲ್ಲೆಲ್ಲ ಇದೇ ವಿಚಾರಗಳ ಬಗ್ಗೆ ವಾದಿಸಲು ಶುರು ಮಾಡಿದ್ದಾರೆ. ಅದರಲ್ಲೂ ಒಕ್ಕಲಿಗ ಕೋಟೆಯೆನಿಸಿಕೊಂಡಿರುವ ಮಂಡ್ಯ, ಮೈಸೂರು, ಹಾಸನ, ರಾಮನಗರ, ಕೋಲಾರ, ಚಿಕ್ಕಬಳ್ಳಾಪುರ, ತುಮಕೂರು ಅಷ್ಟೇ ಬೆಂಗಳೂರು ಗ್ರಾಮಾಂತರ ಪ್ರದೇಶದ ಒಕ್ಕಲಿಗ ಸಮುದಾಯದ ಮತದಾರರೇ ಹೆಚ್ಚಿರುವ ಪ್ರದೇಶಗಳಲ್ಲಿಯಂತೂ ಬರೇ ಇದೇ ಮಾತು. ಇದೊಂದೇ ಆಕ್ರೋಶ, ಅಸಮಾಧಾನ, ಸಿಟ್ಟು-ಸೆಡವುಗಳೆಲ್ಲ. ನಮ್ಮ ಎಲ್ಲೋ ಒಂದು ಕಡೇ ದುರುಪಯೋಗವಾಗುತ್ತಿದೆಯಲ್ಲ ಎಂಬ ನೋವು.

ಬಾಲಾಕೋಟ್‌ ದಾಳಿಯ ಯಶಸ್ಸು ಸಾಬೀತು ಪಡಿಸುವ ಚಿತ್ರಗಳನ್ನು ಸರಕಾರಕ್ಕೆ ಸಲ್ಲಿಸಿದ ವಾಯುಪಡೆ

ಬಾಲಾಕೋಟ್‌ ಭಯೋತ್ಪಾದನಾ ತರಬೇತಿ ಕೇಂದ್ರಗಳ ಮೇಲೆ ದಾಳಿ ಮಾಡಿದ ಸಾಕ್ಷ್ಯ ಚಿತ್ರಗಳನ್ನು ಕೇಂದ್ರ ಸರಕಾರಕ್ಕೆ ಭಾರತೀಯ ವಾಯುಪಡೆ ಸಲ್ಲಿಸಿದೆ.
ದಾಖಲೆಯಲ್ಲಿ 12 ಪುಟಗಳು ಉಪಗ್ರಹ ಚಿತ್ರಗಳು ಹಾಗು ಭಾರತಿಯ ಗುಪ್ತಚರ ವಿಮಾನಗಳು ಸೆರೆಹಿಡಿದ SAR ಚಿತ್ರಗಳನ್ನು ಒಳಗೊಂಡಿವೆ.
ವರದಿ ಪ್ರಕಾರ, ತಾನು ಉಡಾವಣೆ ಮಾಡಿದ 80% ನಷ್ಟು ಬಾಂಬ್‌ಗಳು ಟಾರ್ಗೆಟ್‌ಗೆ ತಾಕಿವೆ ಎಂದು IAF ತಿಳಿಸಿದ್ದು, ಬಾಂಬುಗಳು ಉದ್ದೇಶಿತ ಗುರಿಗಳನ್ನು ತಪ್ಪಿಸಿಕೊಂಡಿವೆ ಎಂಬ ಆಪಾದನೆಗಳು ಹುಸಿಗೊಳಿಸಿವೆ.

ಬಾಲಾಕೋಟ್‌: ಉಗ್ರರ ಮೃತ ದೇಹ ತೋರಿಸಲು ಒತ್ತಾಯ

ಮಣಿಪುರ: ಪಾಕಿಸ್ತಾನದ ಬಾಲಾಕೋಟ್‌ನಲ್ಲಿ ಭಾರತೀಯ ವಾಯುಪಡೆ ನಡೆಸಿದ ವಾಯು ದಾಳಿಯಲ್ಲಿ ಎಷ್ಟು ಉಗ್ರರು ಮೃತಪಟ್ಟಿದ್ದಾರೆ ಮತ್ತು ಅವರ ಮೃತ ದೇಹಗಳನ್ನು ತೋರಿಸಿ ಎಂದು ಪುಲ್ವಾಮ ದಾಳಿಯಲ್ಲಿ ಮಡಿದ ಹುತಾತ್ಮ ಯೋಧರ ಕುಟುಂಬ ಒತ್ತಾಯಿಸಿದೆ.
ಜಮ್ಮು ಮತ್ತು ಕಾಶ್ಮೀರದ ಪುಲ್ವಾಮಾದಲ್ಲಿ ಜೈಷ್ ಎ ಮೊಹಮ್ಮದ್‌ ನಡೆಸಿದ ಆತ್ಮಾಹುತಿ ದಾಳಿಯಲ್ಲಿ ಹುತಾತ್ಮರಾದ ಯೋಧರ ಮೃತ ದೇಹಗಳು ಮತ್ತು ಅವರ ಅಂಗಾಂಗಗಳು ಸಿಕ್ಕಿದ್ದವು. ಬಾಂಬ್ ದಾಳಿಯ ಹೊಣೆಯನ್ನೂ ಉಗ್ರ ಸಂಘಟನೆಯೊಂದು ಹೊತ್ತುಕೊಂಡಿತ್ತು. ಇದಕ್ಕೆ ಪ್ರತಿಯಾಗಿ ವಾಯುದಾಳಿ ನಡೆದಿರುವುದಕ್ಕೆ ಪುರಾವೆಗಳನ್ನು ಒದಗಿಸಬೇಕು ಎಂದು ಪುಲ್ವಾಮಾದಲ್ಲಿ ಹುತಾತ್ಮರಾದ ಯೋಧ ರಾಮ್ ವಕೀಲ್ ಅವರ ಸಹೋದರಿ ರಾಮ್ ರಕ್ಷಾ ಪ್ರಶ್ನಿಸಿದ್ದಾರೆ.

ಅಭಿನಂದನ್‌ ಸೆರೆ ಬಳಿಕ ಪಾಕ್‌ಗೆ ನಡುಕ ಹುಟ್ಟಿಸಿದ್ದ ಬ್ರಹ್ಮೋಸ್‌ ಕ್ಷಿಪಣಿಗಳು..! ಸ್ವೀಡಿಶ್‌ ಪತ್ರಿಕಾ ವರದಿ

ವಿಂಗ್‌ ಕಮಾಂಡರ್‌ ಅಭಿನಂದನ್‌ ವರ್ತಮಾನರ ಸಾಹಸಗಾಥೆ ಹಾಗು ಅವರ ಬಂಧನದಿಂದ-ಬಿಡುಗಡೆವರೆಗೆ ನಡೆದ ಅನೇಕ ಬೆಳವಣಿಗೆಗಳನ್ನು ಸ್ವೀಡಿಶ್‌ ದೈನಿಕವೊಂದು ವರದಿ ಮಾಡಿದೆ.
ವರದಿಯಲ್ಲಿ ಬಂದಂತೆ…
ಅಭಿನಂದನ್‌ ಸೆರೆಹಿಡಿದ ಫೆಬ್ರವರಿ 27 ರಾತ್ರಿಯನ್ನು ಇಡಿಯ ಪಾಕಿಸ್ತಾನ ಭಯದಲ್ಲೇ ಕಳೆದಿದೆ. ಭಯೋತ್ಪಾದನೆ ವಿರುದ್ಧ ಸಮರದಲ್ಲಿ ಕಾದಾಡಲು ತಾನು ನೀಡಿದ್ದ F-16 ಜೆಟ್‌ಅನ್ನು ಹೊಡೆದುರುಳಿಸಿಕೊಂಡ ಪಾಕ್‌ ವಿರುದ್ಧ ಅಮೆರಿಕ ಸಿಟ್ಟಾಗಿದ್ದರೂ, ತನ್ನ ಪೈಲಟ್‌ಅನ್ನು ವೈರಿಯು ಬಂಧಿಸಿದ ವಿಚಾರವಾಗಿ ಕೋಪಗೊಂಡಿದ್ದ ಭಾರತದಿಂದ ಇಸ್ಲಾಮಾಬಾದ್ಅನ್ನು ರಕ್ಷಿಸಲು ಅಮೆರಿಕ ಮುಂದಾಯಿತು.

ಮುಷ್ಕರ ನಡೆಸಿದರೆ ಕಠಿಣ ಕ್ರಮ ಕೈಗೊಳ್ಳಲಾಗುವುದು ತನ್ನ ನೌಕರರಿಗೆ ಕೇಂದ್ರ ಎಚ್ಚರಿಕೆ

ದೆಹಲಿ: ನೂತನ ಪಿಂಚಣಿ ಯೋಜನೆ (ಎನ್‌ಪಿಎಸ್) ವಿರೋಧಿಸಿ ಮಾರ್ಚ್ 13ರಂದು ಮುಷ್ಕರ ನಡೆಸಿದರೆ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಕೇಂದ್ರ ಸರಕಾರ ತನ್ನ ನೌಕರರಿಗೆ ಎಚ್ಚರಿಕೆ ನೀಡಿದೆ.
ಯಾವುದೇ ರೀತಿಯ ಮುಷ್ಕರ ನಡೆಸುವ ನೌಕರರ ವೇತನದಲ್ಲಿ ಕಡಿತ ಮಾಡಲಾಗುವುದು ಮತ್ತು ಶಿಸ್ತುಕ್ರಮವನ್ನೂ ಜರುಗಿಸಲಾಗುವುದು’ ಎಂದು ಕೇಂದ್ರ ಸರಕಾರದ ಸಿಬ್ಬಂದಿ ಸಚಿವಾಲಯ ತಿಳಿಸಿದೆ. ಮುಷ್ಕರ ನಡೆಸಲು ನಿಗದಿಪಡಿಸಿರುವ ಅವಧಿಯಲ್ಲಿ ಯಾವುದೇ ನೌಕರರಿಗೆ ರಜೆ ನೀಡಬಾರದು. ಕರ್ತವ್ಯ ನಿರ್ವಹಿಸಲು ಆಗಮಿಸುವ ನೌಕರರು ಕಚೇರಿಯನ್ನು ಪ್ರವೇಶಿಸಲು ಯಾವುದೇ ತೊಂದರೆಯಾಗದಂತೆ ನಿಗಾ ವಹಿಸಬೇಕು’ ಎಂದು ಹಿರಿಯ ಅಧಿಕಾರಿಗಳಿಗೆ ಸೂಚನೆ ನೀಡಲಾಗಿದೆ. ದೇಶದಲ್ಲಿ 48.41 ಲಕ್ಷ ಕೇಂದ್ರ ಸರಕಾರಿ ನೌಕರರು ಇದ್ದಾರೆ.